Azərbaycan, Bakı, 05 may / Trend , müxbir Ü.İsmayılova /
"Azərbaycan Sığortaçılar Assosiasiyası (ASA) Türkiyə Əməkdaşlıq və İnkişaf İdarəsi (TİKA) ilə birlikdə azərbaycanlı sığortaçılar üçün giriş kursu keçməyə hazırlaşır", - cümə axşamı assosiasiyanın icraçı direktoru Qafar Məcidov deyib.
"Giriş kursuna mayın sonunda başlamaq planlaşdırılır", - Məcidov bildirib.
Onun sözlərinə görə, giriş təlimi bütün növ sığortaları əhatə edəcək.
Dərsləri Türkiyənin Sığorta İnstitunun üç müəllimi aparacaq. Kursun müddəti bir ay (110 saat), tədris üçün ödəniş 500-600 manatdır.
Məcidovun sözlərinə görə, bu kursları uğurla bitirmiş sığortaçılar təhsillərini sertifikatını London Sığorta İnstitunun tanıdığı Türkiyənin Sığorta İnstitutunda davam etdirə biləcəklər.
Bir çox ölkələrdə TİKA müxtəlif humantiar-sosial, kommunikasiya, mədəni layihələr və proqramlarla təmsil olunur. Onlar ümumilikdə Türkiyə və onun siyasətinə yerli əhali tərəfindən müsbət və dost münasibətinin formalaşdırılmasında böyük rola malikdirlər.
Müşahidə Şurasına beş şirkətin (MBASK, Standard Insurance, Beynəlxalq Sığorta Şirkəti, Azersigorta, Ateshgah) daxil olduğu və hazırda fəaliyyət göstərən bütün sığorta şirkətlərini özündə birləşdirən ASA 2006-cı ilin dekabrında təsis edilib.
Məqalə müəllifi ilə əlaqə ünvanı: [email protected]
