Azərbaycan, Bakı, 07 may / Trend , müxbir Ü.İsmayılova /
"Dünya iqtisadi böhranı Azərbaycanın aqrar sənayesinə heç cür təsir etməyib", - cümə axşamı kənd təsərrüfatı naziri İsmət Abbasov deyib.
"Həyata keçirilən tədbirlər nəticəsində ölkədə böhranın təsiri ilə bağlı heç bir problem gözlənilmir", - nazir bildirib.
Onun sözlərinə görə, 2004-2008-ci illərdə regionların sosial-iqtisadi inkişafı üzrə dövlət proqramı çərçivəsində bir sıra tədbirlər həyata keçirilib, ancaq bəzi tədbirlər vaxtında başa çatdırılmayıb və bu gün onların davam etdirilməsinə ehtiyac var.
"Bununla əlaqədar olaraq bu işlər 2009-2013-cü illəri əhatə edən ikinci dövlət proqramı çərçivəsində davam etdiriləcək", - nazir deyib.
Proqram infrastruktur təminatının, biznes mühitinin gələcəkdə yaxşılaşdırılması, iqtisadiyyata sərmayələrin cəlb edilməsi, ixracyönlü məhsul istehsalının stimullaşdırıması üzrə tədbirlərin davam etdirilməsinə yönəldilib.
Sahibkarlığın inkişaf etdirilməsi məqsədilə kiçik, orta və böyük müəssisələr arasında kooperasiyanı gücləndirmək, məhsul yarmarkaları təşkil etmək, sahibkarların fəaliyyətinə əsassız müdaxilələrin qarşısının alınması, özəl müəssisələrlə ixracın inkişafının stimullaşdırılması, qeyri-sağlam rəqabət hallarının qarşısının alınması, ərzaq məhsullarının keyfiyyəti və təhlükəsizliyinin artırılması planlaşdırılır.
Məqalə müəllifi ilə əlaqə ünvanı: [email protected]