Azərbaycan, Bakı, 21 may / Trend , müxbir Ü.İsmayılova /
"Azərbaycanda dövlət investisiya layihələrinin işlənməsi və dəyərləndirilməsi üzrə peşəkar kadrların olması ölkənin makroiqtisadi göstəricilərinə müsbət təsir edəcək", - ABŞ Beynəlxalq İnkişaf Agentliyinin (USAID) direktoru Skott Teylor USAID və DYUK Universitetinin beynəlxalq inkişaf mərkəzi ilə birgə keçirdiyi "Risklərin idarə edilməsi" kurslarını bitirmiş tələbələrə sertifikatların təqdim edilməsi zamanı deyib.
"Azərbaycan dünya bazarına neft və qaz ixrac etdiyi üçün effektli işdən ötrü peşəkar mütəxəssis-dəyərləndiricilərə ehtiyac var", - Teylor qeyd edib.
Onun sözlərinə əsasən, sözügedən mütəxəssislər dövlət investisiya proramlarının işlənməsi və dəyərləndirilməsində də iştirak edə bilər.
Magistrlar səviyyəsində keçirilən kurs maliyyə, iqtisadiyyat, gəlir və çıxarların təhlili və onların möhkəmləndirilməsi sahələrini əhatə edib. Kurslarda 39 tələbə iştirak edib.
Məqalə müəllifi ilə əlaqə ünvanı: [email protected]