...

BMT Azərbaycanın yaşayış sektorunda müşahidə aparır

Biznes və iqtisadiyyat xəbərləri Materials 22 May 2009 12:57 (UTC +04:00)

Azərbaycan, Bakı, 22 may / Trend , müx. N.İsmayılova /

Birləşmiş Millətlər Təşkilatının Avropa İqtisadi Komissiyasının (BMT AİK) ekspertləri mayın 2-dən 10-na qədər dövlət qurumları və nazirliklərin seçilmiş mütəxəssis və peşəkarları ilə bir sıra görüş və müsahibələr keçiriblər, BMT AİK-in məlumatında bildirilib. Beynəlxalq və yerli təşkilatlar, o cümlədən yerli hökumət və inşaatçılarla görüşlər keçirilib.

Azərbaycan hökuməti BMT AİK-a Yaşayış təsərrüfatı və Torpaq İstifadəsi üzrə Komitə vasitəsi ilə yaşayış sektorunda milli müşahidənin keçirilməsi üçün müraciət edib. Müşahidə cari tendensiyaları analiz edəcək, şəhər planlaşdırılmasının  və ölkədə yaşayış şəraitinin yaxşılaşdırılması istiqamətində təkliflər verəcək.

"Digər ölkələrdə olduğu kimi, dünya maliyyə böhranı alternativ sərmaye sxemlərinə və sabit maliyyələşdirmə mexanizmlərinə çıxışı məhdudlaşdıraraq, Azərbaycanın da daşınmaz əmlak bazarına təsir göstərib",- BMT-nin məlumatında bildirilib.

Milli müşahidədə analiz və tövsiyələr həmçinin ipoteka bazarında orta gəlirli əhaliyə mənzil almağa şərait yaradacaq dövlət tərəfindən nəzərdə tutulan ipoteka proqramına müvafiq olan maliyyə sisteminin müəyyənləşdirilməsinə yönəldiləcək.

Bu nəşr yaxın vaxtlarda hazır olacaq və Qırğızıstan (2008), Belarus (2008) və Gürcüstandan (2007) sonra BMT AİK tərəfindən hazırlanmış 14-cü milli müşahidədir. Azərbaycandakı milli müşahidə yaxın aylarda nəşr ediləcək.

Məqalə müəllifi ilə əlaqə: [email protected]

Xəbər lenti

Xəbər lenti