Azərbaycan, Bakı, 22 may / Trend , müx İ.Xəlilova /
Azərbaycan Mərkəzi Bankı məzənnə siyasətinin aparılmasında ilk növbədə maliyyə stabilliyini əsas götürür, Mərkəzi Bankın baş direktoru Xəqani Abdullayev bildirib.
"2009-cu ilin əvvəlindən etibarən milli valyutanın məzənnəsi dollara nisbətdə 0,3 faiz ucuzlaşıb, may ayından etibarən isə bazarda müsbət faktorlar möcuddur", - Abdullayev bildirib.
O hesab edir ki, manat məzənnəsinin stabilliyi üçün bütün əsaslar var və "əsas məsələ ölkənin hazırda
özünü tənzim edən və müvazinətdə saxlayan ödəmə balansıdır. Balans kəsrinə malik ölkələr məcburi olaraq devalvasiyaya məruz qalırlar, Azərbaycanda isə böyük profisit müşahidə olunur". Bir barel neftin qiymətinin 50 dollar olduğu dövrdə 2009-cu ilin yekunlarına görə ödəmə balansının profisitinin beş milyard dollar həcmində olması gözlənilir.
AMB maliyyə stabilliyinin təmin edilməsi üçün ilin əvvəlindən ölkənin valyuta bazarından bir milyard dollar alıb, lakin may ayından etibarən Mərkəzi Bank bazardan dollar kütləsini geri almağa başlayıb və onun həcmi 30-40 milyon dollar təşkil edib.
Məqalə müəllifi ilə əlaqə: [email protected]
