Azərbaycan, Bakı, 25 may / Trend , müxbir N.İsmayılova /
Latviya bankı Parex Bank Baltika regionu və MDB-də, o cümdlədən Azərbaycanda təsirini genişləndirmək niyyətindədir. Bu barədə bankın Azərbaycan nümayəndəliyinin rəhbəri Andreys Krivans deyib.
"Hazırda bankın restrukturlaşması aparılır, yeni konsepsiya hazırlanır. Parex Bank Baltika bankı kimi inkişaf etmək niyyətindədir və regionda təsirini genişləndirmək üçün bankdan istifadə etmək şəraiti yaradır", - Krivans qeyd edib.
Onun sözlərinə əsasən, Azərbaycanda mövcud olan sabit biznes mühiti və Mərkəzi Bankın düzgün siyasəti Parex Bank-ın genişləndirilməsi üçün ölkəni cazibədar edir.
2009-cu ildə bankın əsas məqsədi məhdudiyyətlərin götürülməsi və kreditləşmənin bərpası, eləcə də MDB ölkələrində inamlı mövqenin qorunması və yeni müştərilərin cəlb olunmasından ibarətdir.
Məqalə müəllifi ilə əlaqə ünvanı: [email protected]