Azərbaycan, Bakı, 08 iyun / Trend , E.İsmayilova /
Azərbaycanın Nəqliyyat Nazirliyinin kiçik və orta tutumlu avtobusların iritutumlu avtobuslarla əvəzləməsi prosesi ilə əlaqədar Bakıda sərnişin avtobuslarının hərəkətində müvəqqəti qeyri-müntəzəmlik Bakı metropolitendə sərnişinlərin sayının artırılmasına səbəb olmayıb. Çərşənbə axşamı metropolitendəki mənbədən bildirilib.
"Biz normal rejimdə işləyirik. Hazırda sərnişinlərin sayının artırılması gözlənilmir, əksinə azalma var, bu da tətil və məzuniyyət dövrünün başlaması ilə əlaqədardır", - deyə mənbədən bildirib.
Hazırda Nəqliyyat Nazirliyi yanında "Avtonəqliyyatservis" departamenti avtobusların yeni hərəkət marşrutlarını nəzərdən keçirir, ehtiyac yaranarsa bir neçə marşrutun istiqamətlərində də dəyişikliklər ediləcək.
Kiçik və ortatutumlu avtobusları Koreyanın DAEWOO firmasının istehsalı olan əvvəlcədən alınmış 200-dən çox iritutumlu avtobus əvəz edəcək.
49 yeni avtobus artıq 4, 125, 70, 169, 54 və 285 №-li marşrutlara buraxılıb.
Kiçik avtobusların şəhərin mərkəzi küçələrindən yığışdırılması prosesi hələ ötən ildən başlanılıb. Əvvəl bu, kiçiktutumlu avtobuslara aid idisə, lakin hazırda ortatutumlu avtobuslara da aid edilir.
Kiçiktutumlu avtobusların orta və iritutumlu avtobuslarla tam əvəzlənməsi ilin sonunadək tamamlanacaq, mənbədən bildirilib.
Məqalə müəllifi ilə əlaqə ünvanı: [email protected]