...

Azərbaycanda Avropa sosial xartiyasının üçüncü hesabatı müzakirə olunacaq

Biznes və iqtisadiyyat xəbərləri Materials 16 İyun 2009 17:24 (UTC +04:00)

Azərbaycan, Bakı, 16 iyun / Trend , müxbir Ü.İsmayılova /

"Azərbaycanda 23-24 iyun tarixlərində Avropa sosial xartiyasının Azərbaycan üzrə üçüncü hesabatına hazırlığa həsr olunmuş seminar keçiriləcək", - çərşənbə axşamı Əmək və Əhalinin Sosial Müdafiəsi Nazirliyinin (ƏƏSMN) beynəlxalq əməkdaşlıq şöbəsinin başçısı Elnur Sultanov deyib.

Azərbaycan xartiyaya 2004-cü ildə qoşulub.

"Seminarın gedişində xartiyanın Azərbaycanda qəbul edilmiş maddələri ilə əlaqədar olaraq hazırlanan hesabat üzrə texniki məsləhətləşmələr keçiriləcək. Azərbaycan Avropa Şurasının Sosial xartiyasında mövcud olan 31 maddədən 18-ni artıq ratifikasiya edib", - Sultanov bildirib.

Seminarda AŞ məsləhətçiləri, illik hesabatın hazırlanmasında iştirak edən yerli dövlət qurumlarının nümayəndələri iştirak edəcəklər.

"Xartiyanın 22-ci maddəsinə uyğun olaraq mütəmadi müzakirə aparılacaq, həmçinin Azərbaycan tərəfindən digər maddələrin ratifikasiyası məsələsi həll olunacaq", - Sultanov bildirib.

Avropa sosial xartiyası hüquq və azadlıqları elan edir və üzv-dövlətlərin bu hüquq və azadlıqlara riayət etməsini təmin etmək üçün həyata keçirilən nəzarət mexanizmi qurur.

Xartiya nəzərdə tutur:

- sosial təminat, sosial yardım və sosial xidmətlərdən yararlanmaq hüququ;

- yoxsulluqdan müdafiə hüququ;

- ailənin və yaşlı şəxslərin müdafiəsi üzrə xüsusi tədbirlərin qəbulu.

Məqalə müəllifi ilə əlaqə ünvanı: [email protected]

Xəbər lenti

Xəbər lenti