...

Azərbaycan bankı AGBank nizamnamə kapitalını artırır

Biznes və iqtisadiyyat xəbərləri Materials 1 İyul 2009 10:53 (UTC +04:00)

Azərbaycan, Bakı, 30 iyun / Trend , N.İsmayılova /

Azərbaycan bankı AGBank nizamnamə kapitalını 20 faiz artırmağı planlaşdırır, bankın idarəetmə heyəti sədrinin birinci müavini Tokay Əlizadə bildirib.

"Hazırda bankın nizamnamə kapitalı 15 milyon manat təşkil edir, səhmdarlar onun 20 faiz artırılması imkanlarını nəzərdən keçirirlər", - deyə Əlizadə bildirib.

Bankın birgə kapitalı 30 milyon manata bərabərdir. 2009-cu ilin may ayının 1-nə bankın səhmləri 200 milyon manat təşkil edib.

AGBank 1992-ci ildə respublikanın qaz sənayesi müəssisələrinin, kommersiya strukturlarının və təşkilatların müəssisələr konfransında təsis edilib. AGBank 1993-cü ildən Bakı Fond Birjasının, 1996-cı ildən Azərbaycanın Ticarət Sənaye Palatasının, 1997-ci ildən isə Europay International-ın fəal iştirakçısıdır.

İyunun 30-na olan rəsmi məzənnə 0,8041 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti