Azərbaycan, Bakı, 04 iyul / Trend , müxbir İ.Xəlilova /
Azərbaycan Beynəlxalq Bankı 2009-cu ildə 200 milyon dollar həcmində avrobondların debüt buraxılışını həyata keçirə bilər. Bu barədə cümə günü ABB-nın İdarə Heyətinin sədri Vaqif Əkbərov bildirib.
"Hazırda 2009-cu ilin bondların buraxılışı üçün daha münasib olması barədə variantlar mövcuddur. Bu planların həyata keçirilməsi üçün ən münasib dövr üçüncü və dördüncü rüblərdir", - deyə Əkbərov bildirib.
Onun sözlərinə görə, bank öz avroistiqrazlarının buraxılışına hazırdır, bu əsasən sərmayədarların hazırlığından asılı olacaq.
"Yerləşdirmə qoyuluşları 9-10 faiz arasında ola bilər, lakin hazırda bu barədə danışmaq çox tezdir. ABB-nin analoji reytinq üzrə digər banklarla müqayisəsi zamanı bu kimi qoyulıuşların mümkün olduğunu görürük, sadəcə bunun üzərində bir qədər işləmək lazımdır", - deyə Əkbərov bildirib.
Maliyyə Nazirliyinin razılığına əsasən, dövlət adından səhmlərin 50,2 faizinin sahibi ABB beynəlxalq kapital bazarlarında suveren istiqrazları qarşılıqlı əlaqədə yerləşdirməyə hazırdır. ABB səhmlərinin yarısı dövlətə məxsus olduğu üçün Azərbaycan üzrə "Bench Market"in müəyyən edilməsi ilə bağlı avroistiqrazların debüt buraxılışının Maliyyə Nazirliyi tərəfindən həyata keçirililməsi vacibdir.
Bununla əlaqədar olaraq ABB-nin sədr müavini hesab edir ki, bankın bondlarının buraxılması əsas səhmdardan da asılıdır.
ABB avrobondlarının yerləşdirilməsi üzrə bukrannerləri City Gruop və JP Morgan-dır.
Maliyyə Nazirliyinin suveren avrobondların buraxılması üzrə lider menecerləri Deutsche Bank AG London və Citigroup Global Markets Limited investisiya bankları seçilib. Hökumət avrobondların birinci emissiyasını əvvəlcə 300 milyon dollar səviyyəsində həyata keçirməyi planlaşdırmışdı, lakin hazırda onun 500 milyon dollara kimi artırılma imkanları barədə danışıqlar gedir.
Məqalə müəlllifi ilə əlaqə ünvanı: [email protected]
