Azərbaycanın neft qiymətlərinin həftəlik icmalı

Bakı. Trend:

Bu həftə ərzində Azeri Light CIF, Azeri Light FOB Ceyhan və Dated Brent markalı neftin orta qiymətləri azalıb.

Trend xəbər verir ki, Azərbaycanda “Azəri–Çıraq–Günəşli” yatağında hasil edilən Azeri Light CIF markalı neftin orta qiyməti ötən həftə ilə müqayisədə 1,53 ABŞ dolları və ya 2,4 faiz azalaraq bir barel üçün 63,54 ABŞ dolları təşkil edib.

Həftə ərzində maksimal qiymət bir barel üçün 64,25 ABŞ dolları, minimal qiymət isə 62,45 ABŞ dolları olub.

Türkiyənin Ceyhan limanında FOB bazasında Azeri Light markalı neftin orta qiyməti bir barel üçün 61,46 ABŞ dolları təşkil edib ki, bu da ötən həftə ilə müqayisədə 1,63 ABŞ dolları və ya 2,6 faiz azdır. Həftə ərzində maksimal qiymət 62,15 ABŞ dolları, minimal qiymət isə 60,40 ABŞ dolları olub.

Urals markalı neftin orta qiyməti əvvəlki həftə ilə müqayisədə 3,9 ABŞ dolları və ya 10,8 faiz azalaraq bir barel üçün 32,01 ABŞ dolları səviyyəsində olub. Həftə ərzində maksimal qiymət 33,25 ABŞ dolları, minimal qiymət isə 31,39 ABŞ dolları təşkil edib.

Dated Brent markalı neftin orta qiyməti bir barel üçün 60,91 ABŞ dolları olub ki, bu da əvvəlki həftə ilə müqayisədə 1,74 ABŞ dolları və ya 2,8 faiz azdır. Həftə ərzində bu markalı neftin maksimal qiyməti 61,40 ABŞ dolları, minimal qiyməti isə 60,20 ABŞ dolları təşkil edib.