Azərbaycan, Bakı, 18 iyul / Trend , müxbir N. İsmayılova/
Azərbaycan bankı Bank of Baku-nun xalis gəliri iyun ərzində 16,4 faiz artaraq iyulun 1-nə 4,12 milyon manat təşkil edib. İlk yarımilin yekunlarına görə, bankın mədaxili 18,52 milyon manat olub.
Bankın aktivləri iyun ərzində 1,2 faiz azalaraq 168,3 milyon manat təşkil edib.
Hesabat dövrü ərzində bankın depozit portfeli 1,4 faiz azalaraq 123,6 milyon manat təşkil edib ki, bunun da 62,99 milyonu fiziki şəxlərin əmanəti, 57,5 milyon manatı isə hüquqi şəxslərin depoziti olub.
İyun ərzində bankın kredit portfeli 2,2 faiz artaraq 128,9 milyon manat təşkil edib. Mayın yekunlarına görə, bu göstərici 126,15 milyon manat olub.
Bankın müştərək kapitalı iyulun 1-nə 30,9 milyon manat olub. İyunun 1-nə bu göstərici 30,07 milyon təşkil edib. Bankın nizamnamə kapitalı 6,8 milyon manata bərabər olub.
İyulun 18-nə olan rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]