Azərbaycan, Bakı, 25 iyul / Trend , müxbir Ü.İsmayılova /
Yanvar-iyun aylarında sərhəddən 19,63 milyon ton yük daşınıb ki, bu da ötən ilin analoji göstəricisinin 52,57 faizini təşkil edir. Bu barədə ölkənin Gömrük Komitəsindən bildirilib. Bu dövr ərzində yüklərin ixracı 16,11 milyon ton, idxalı isə 3,51 milyon ton təşkil edib.
Bu dövr ərzində dəniz nəqliyyatı ilə 130,4 min ton, dəmiryolu ilə 1,5 milyon ton, avtomobil nəqliyyatı ilə 210,3 min ton, hava nəqliyyatı ilə 405,8 min ton yük daşınıb. Boru kəmərləri vasitəsilə daşınma isə 13,84 milyon ton təşkil edib.
Azərbaycan ərazisindən tranzitlə birinci yarımildə 3,14 milyon ton yük daşınıb ki, bu da ötən ilin analoji dövründəki həcmlərin 93,51 faizini təşkil edib.
Azərbaycan ərazisindən keçməklə İsveçrəyə 1,13 milyon ton, Bermud adalarına 386,6 min ton, İtaliyaya 602,7 min ton, Gürcüstana 310,1 min ton, Türkmənistana 227,3 min ton, Tacikistana 159,5 min ton, Rusiyaya 77,4 min ton, Türkiyəyə isə 52,4 min ton yük daşınıb.
Məqalə müəllifi ilə əlaqə ünvanı: capital@trend
