Azərbaycan, Bakı, 28 iyul / Trend , müxbir Ü. İsmayılova /
Azərbaycanın Auditorlar Palatası 2008-ci il ərzində fəaliyyətinin maliyyə hesabatını elan edib. Palatanın kapitalı 199,483 min manat təşkil edib. 2007-ci ildəki fəaliyyətin yekunlarına görə, bu rəqəm 212,426 min manat olub.
Palatanın qısamüddətli aktivləri bu dövr üçün 2007-ci ildəki 71,453 min manatlıq göstəricinin əksinə olaraq 130,259 min manat təşkil edib. Uzunmüddətli aktivlər isə 2007-ci ildəki 108,679 min manatlıq göstəricinin əksinə olaraq 97,306 min manat təşkil edib. O cümlədən palatanın əsas vəsaiti 81,669 min manat, törəmə şirkətlərin investisiyası isə 15,637 min manat təşkil edib.
Azərbaycan Auditorlar Palatasının ümumi aktivləri keçən ilin yekunlarına görə, 227,565 min manat təşkil edib. Bu rəqəm 2007-ci ildə 180,132 min manat olub.
Palatanın qisamüddətli öhdəliyi 28,082 min manat, o cümlədən kredit və digər borcları 5,32 min manat, qrant öhdəliyi 14 min manat, vergi borcları 8,762 min manat təşkil edib.
Palatanın kapitalı və öhdəliyi birlikdə 227,565 min manat təşkil edib.
Yerli müstəqil auditorlar üçün üzvlük haqqı 2,42 min manat və ya 2,94 min dollar, yerli auditor şirkətləri üçün 4,95 min manat və ya 6,013 min dollar, auditor şirkətlərinin əcnəbi nümayəndələri üçün 19,8 min manat və ya 24,052 min dollar, xarici auditor şirkətləri üçün isə 10 min manat və ya 12,148 min dollardır.
Azərbaycan Auditorlar Palatasının 2008-ci ildəki fəaliyyətinin yekunlarına görə, nağd vəsait 2007-ci ildəki 2,582 min manatlıq göstəricinin əksinə olaraq 24,676 min manat, bank hesabında milli valyuta ilə 11,55 min manat (1,899 min manat), xarici valyuta ilə 9,023 min manat (493 manat) təşkil edib. Palatanın ümumi vəsaiti və qisamüddətli depozitləri 45,249 min manat (4,974 manat) təşkil edib.
2008-ci ildə palatanın törəmə şirkətləri 15,628 min manat (15,628 min manat) borc alıblar, debitor borc 414 min manat (633 manat), törəmə strukturlardan dividendlər 2,169 min manat (2,169 min manat) təşkil edib.
İyulun 28-nə olan rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]