Azərbaycan, Bakı, 31 iyul / Trend , müxbir N.İsmayılova /
"Azərbaynda ilin birinci yarısında iqtisadi fəaliyyət sahəsinə aid cinayətkar qəsdlərə qarşı aparılan tədbirlər nəticəsində ümumi məbləği 193 min manat olan 2104 ədəd saxta əskinaz dövriyyədən çıxarılıb", - daxili işlər nazirinin müavini Vilayət Eyvazov ilin birinci yarısının yekunlarına dair kollegiya iclasında deyib. Bu barədə DİN-in məlumatında deyilir.
Hesabat dövrü ərzində nazirliyin Baş Mütəşəkkil Cinayətkarlığa Qarşı Mübarizə İdarəsi tərəfindən 10 cinayət faktı müəyyən edilərək qanunsuz dövriyyədən 60 tondan çox istifadə müddəti ötmüş müxtəlif çeşiddə ərzaq məhsulları, 5 min ədəd kontrafakt içki, 120 tondan çox tikinti materialları, habelə açıq satışı qadağan olunmuş 7 min ədəd dərman preparatı çıxarılıb.
Məqalə müəllifi ilə əlaqə ünvanı: [email protected]