Azərbaycan, Bakı, 06 avqust / Trend , müxbir N.İsmayılova /
İlin birinci yarısının yekununa görə, Azər-Türk Bank-ın balans qazancı 1,25 milyon manat olub. Bu barədə bankdan məlumat verilib.
Hesabat dövrü ərzində bankın mədaxili 3,67 milyon manat, məxarici siə 2,4 milyon manat təşkil edib. İyulun 1-nə bankın ROA göstəricisi 5,82 faiz, ROE göstəricisi isə 19,15 faiz olub.
Azər-Türk Bank 25 may 1995-ci ildə T.C. Ziraat Bank A.S. (Türkiyə) və Azərbaycanın Aqrar-Sənaye Bankı tərəfindən təsis edilib. Sonradan bankın səhmdarlar heyıti genişlənib və onların sırasına Aqrarkredit QSC qeyri-bank kredit təşkilatı və Turan Bank ASC komersiya bankı qoşulub.
Bank 2005-ci ildə yerli banklar qrupu tərəfindən yaradılmış MilliKart milli prosessinq mərkəzinin üzvüdür. 23 yanvar 2004-cü ildə Azər-Türk Bank Qiymətli Kağızlar üzrə Dövlət Komitəsindən diler fəaliyyətinə başlamağa icazə verən lisenziya alıb.
Avqustun 6-na olan cari məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]
