Qazaxıstan, Astana, 07 avqust / Trend , müxbir K.Konırova /
Qazaxıstan taxılının İraqa tədarükü üçün əsas problem birbaşa marşrutun olmamasıdır. Bu barədə Trend -ın Astanadakı müxbirinə "Ərzaq Korporasiyası" SC-nin Xarici iqtisadi fəaliyyət üzrə departamentinin direktoru Daulet Uvaşev bildirib.
"Hazırda Qazaxıstan taxılının İraqa tədarükü üçün əsas problem birbaşa marşrutun olmamasıdır. İraq tərəfinin taxılımızı almaq istəyi barədə dəfərlərlə müraciət etməsinə baxmayaraq, bizim bu ölkəyə tədarükümüz minimaldır", - Uvaşev bildirib.
Departamentin direktorunun bildirdiyi kimi, Qazaxıstanın Ümm Qəsr limanına İraq üçün taxılın aparıldığı Fars körfəzinə birbaşa çıxışı yoxdur.
"Zəif logistika səbəbindən dəniz yolları doludur, buna görə də Qazaxıstan taxılının İraqa yol tapması çox çətindir", - o qeyd edib.
Uvaşevin məlumatına görə, İraq bazarında hazırda əsasən ABŞ, Almaniya buğdası satılır. Əvvəllər Avstraliyadan da taxıl tədarük edilirdi.
Məqalə müəllifi ilə əlaqə ünvanı : [email protected]
