Azərbaycan, Bakı, 13 avqust / Trend , müxbir N.İsmayılova /
Neft-qaz hasilatı sənayesi üçün avadanlıq və alətlərin kompleks tədarükünü həyata keçirən Rusiyanın "NiQMaş Ticarət evi" MMC nümayəndəliyi Azərbaycanda fəaliyyətinin dayandırılmasını elan edib, bu barədə ölkənin Vergilər Nazirliyinin xüsusi qəzeti "Vergilər"də dərc olunan məlumatda deyilir.
Şirkətin nümayəndəliyi 2004-cü ildə Azərbaycanın Ədliyyə Nazirliyində qeydiyyatdan keçib.
Şirkət 1999-cu ildə yaradılıb və baş ofisi Neftekamsk (Başqırdıstan Respublikası) şəhərində yerləşir. Şirkət Rusiyada və xaricdə istehsal edilən neft-qaz hasilatı avadanlıqlarının, alətlərin, boru məmulatları və kabel məhsullarının, metal, rezin-texniki məmulatların tədarükü ilə məşğul olub.
Şirkət tərəfindən tədarük olunan məhsullar neft-qaz sahəsində mövcud olan təsnifata müvafiq olan bölmələri əhatə edir: qazma avadanlıqları və alətləri, neft sənayesi avadanlıqları, geofiziki avadanlıqlar və aparatura, boru məmulatları, eneji avadanlıqları, nəzarət-ölçü cihazları, qara metal məhsulları və s.
Məqalə müəllifi ilə əlaqə ünvanı: [email protected]
