Azərbaycan, Bakı, 14 avqust / Trend , müxbir N.İsmayılova /
"Avqustun əvvəlinə olan məlumata əsasən, ölkədə ipoteka kreditləşməsinin bərpasından sonra (iyunun 1-dən) Unibank Azərbaycan İpoteka Fondu (AİF) xətti ilə bir milyon manta həcmində 22 ipoteka krediti verib", - bankdan deyilib.
Bankdan bildirilib ki, ümumilikdə bank tərəfindən üç milyon manat həcmində 73 ipoteka kreditinin verilməsi barədə qərar qəbul edilib.
Kreditləşmə bərpa olunandan banka 102 ərizə daxil olub. Bununla da bank əhali tərəfindən edilən müraciətlərin 70 faizindən çoxunu qəbul edib.
"Bununla yanaşı, əhalinin böyük marağını nəzərə alan bank rəhbərliyi, əhalidən ərizələri qəbul edən filialların sayını ikidən üçə artırmaq qərarına gəlib", - bankdan məlumat verilib.
Bu ilin əvvəlinə qədər bankın şəxsi ipoteka portfeli təxminən 42 milyon manat təşkil edirdi.
Fonddan deyilib ki, adi ipotekanın dəyəri əvvəllər olduğu kimi 50 min manat, güzəştlisinin dəyəri 35 min manat təşkil edir. Adi kredit üçün maksimal faiz dərəcəsi səkkiz, güzəştli üçün dörd faiz təşkil edir. Adi kreditin maksimum verilmə müddəti 25, güzəştli - 30 ildir. İlkin ödəmənin həcmi isə bütün kateqoriyalar üçün 15 faiz təşkil edir.
Fondun xətti ilə kreditin verilmə şərtləri aşağıdakılardır: kreditlərin milli valyutada - manatla və yalnız Azərbaycan vətəndaşlarına verilə bilər; ipotekanın predmeti yalnız mənzil və özəl evlər, kreditin məbləği ipoteka üçün girov verilən daşınmaz əmlakın bazar qiymətinin 85 faizini ötməməlidir; kredit üçün aylıq ödəmə borc götürən şəxsin maaşının 70 faizini ötməməlidir; həyatın sığorta məbləği ipoteka kreditindən çox olmalıdır və s.
Güzəştli kreditlərə çıxış imkanına şəhid, milli qəhrəmanların, məcburi köçkünlərin ailələrinin üzvləri, üç ildən çox stajı olan dövlət qulluqçuları, elmlər namizədi və doktorları, idmanda xidmətləri olan şəxslər, həmçinin minimum üç ay hərbi xidmət stajı olan şəxslər malik olacaq.
Güzəştli ipoteka krediti almaq hüququ olan hər bir ailə bu imkandan yalnız bir dəfə yararlana bilər.
Azərbaycanın 2005-2008-ci illərin dövlət büdcəsində AİF vasitəsilə ipotekanın maliyyələşdirilməsi üçün 94 milyon manat nəzərdə tutulub. Bu məbləğin 68 mln. manatı banklar vasitəsilə artıq verilib.
2009-cu ildə sosial ipotekanın maliyyələşdirilməsi üçün dövlət büdcəsində 14,5 mln. manat nəzərdə tutulub.
Avqustun 14-nə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]