...

Azərbaycan videokonfrans vasitəsilə Doing Business-2010 hesabatının nəticələrini müzakirə edəcək

Biznes və iqtisadiyyat xəbərləri Materials 14 Avqust 2009 17:33 (UTC +04:00)

Azərbaycan, Bakı, 14 avqust / Trend , müxbir İ.Xəlilova /

Dünya Bankı (DB) və Beynəlxalq Maliyyə Korporasiyasının (BMK) "Doing Business-2010: islahatlar necə keçirilir" birgə hesabatının nəticələrini elan etmək üçün sentyabrın 10-da Bakıda onun müəlliflərinin iştirakı ilə videokonfrans keçiriləcək. Bu barədə cümə günü BMK-nın Bakı ofisindən məlumat verilib.

Hökumət DB-nin biznesin idarə edilməsinin sadəliyini qiymətləndirən reytinqində ölkənin mövqeyinin xeyli yaxşılaşacağını gözləyir. Ölkədə biznes mühitinin yaxşılaşdırılmasında biznesin qeydiyyat sisteminin (2008-ci ildən Vergilər Nazirliyində "vahid pəncərə" prinsipi tətbiq olunur), məhsulların və nəqliyyat vasitələrinin gömrük buraxılış məntəqələrindən keçirilməsinin (2009-cu ildən gömrükdə "vahid pəncərə") sadələşdirilməsi, vergi siyasətinin təkmilləşdirilməsi və daşınmaz əmlakın qeydiyyatı üzrə tədbirlərin həyata keçirilməsi böyük rol oynayır.

Azərbaycan biznesin tənzimlənməsi sahəsində islahatçı ölkə kimi liderlik mövqeyini qorumaq üçün tədbirləri davam etdirir. Ötən il dünyanın aparıcı islahatçıları "onluğ"una Azərbaycan, Albaniya, Qırğızstan, Belarus, Seneqal, Burkina-Faso, Botsvana, Dominikan Respublikası, Kolumbiya və Misir daxil olub.

Doing Business-2009-da Azərbaycan biznes mühitinin qəbul olunması üzrə ölkələrin reytinqində 96-cı yerdən 33-cü yerə yüksəlib. Ölkəmiz iqtisadiyyatda islahatlar sahəsində lider kimi tanınıb. Azərbaycan yalnız iqtisadiyyatın inkişaf tepri üzrə deyi, işgüzar mühitin yaxşılaşdırılmasına yönəldilmiş iqtisadiyyatda islahatlar sahəsində də liderdir.

Doing Business-in hesabatı 2004-cü ildən dərc olunur. Bu hesabat əsasında ölkənin reytinqini təşkil edən istiqamətlər göstərilir.  Belə ki, əgər 2004-cü ildə onlar cəmi beş olublarsa, sonuncu hesabatda araşdırmalar on istiqamətdə aparılıb: biznesə başlama, tikintiyə icazə, işə qəbul və işdən çıxarılma, əmlakın qeydiyyatı, kreditlərin alınması, sərmayəçilərin maraqlarının mühafizəsi, vergi ödəmələri, idxal-ixrac əməliyyatlarının rəsmiləşdirilməsi, müqavilələrin icrasının təmin edilməsi, biznesin bağlanması.

Son hesabatda Azərbaycan on meyardan yeddisi üzrə mövqeyini xeyli yaxşılaşdırıb. Məsələn, əgər keçən il Azərbaycan "biznesə başlama" göstəricisinə görə 64-cü yerdə idisə, yeni hesabatda 13-cü yerdədir. "İşə qəbul və işdən azad edilmə"yə görə 80-ci yerdən 15-ci yerə, əmlakın qeydiyyatı üzrə 56-cı yerdən 9-a, kreditin alınması üzrə 26-cı yerdən 12-ci pilləyə yüksəlib. Lakin daha gözəçarpan nəticə "sərmayəçilərin maraqlarının mühafizəsi" bölməsində əldə olunub. Burada Azərbaycan 18-ci olub. Baxmayaraq ki, axrıncı hesabatda ölkə 107-ci pillədə qərarlaşmışdı.

Məqalə müəllifi ilə əlaqə ünvanı: [email protected]

Xəbər lenti

Xəbər lenti