Azərbaycan, Bakı, 24 sentyabr / Trend , müxbir N.İsmayılova /
2009-cu ilin iyununda ölkədə ipoteka kreditləşməsinin bərpasından etibarən Azərbaycan bankı Texnikabank Azərbaycan İpoteka Fondunun (AİF) xətti ilə 5,5 milyon manat məbləğində 164 ipoteka krediti verib. Bu barədə cümə axşamı bankın İdarə Heyətinin sədri Samir Hüseynov deyib.
"Ümumilikdə, bank 15 milyon manat məbləğində 465 ipoteka krediti verib", - Hüseynov deyib.
Bankın ümumi ipoteka portfeli 47 milyon manatdır. Sözügedən portfel İpoteka Fondunun vəsaiti hesabına verilmiş kreditlər, xüsusi resurslar (18 milyon manat) və Qara dəniz Ticarət və İnkişaf Bankının krediti (8 milyon dollar) hesabına formalaşdırılıb.
Bir müddət əvvəl Hüseynov bildirib ki, bank həmçinin əlavə maliyyə resurslarının cəlb edilməsi üzrə danışıqlar aparır, çünki beynəlxalq kapital bazarında vəziyyət yaxşılaşıb.
Texnikabank ölkənin bank bazarında 1993-cü ildən fəaliyyət göstərir və 2007-ci ilədək 100 faizlik Azərbaycan bankı kimi qalıb. Hazırda bankın majoritar səhmdarı kimi World Wines şirkəti çıxış edir. Şirkət səhmlərin 75 faizinə malikdir. Bankın Müşahidə Şurasının sədri Etibar Əliyev səhmlərin 15 faizinə, ABŞ-ın Kazimir Investment Caspian Fund şirkəti isə 10 faizinə nəzarət edir.
Sentyabrın 24-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
