Azərbaycan, Bakı, 25 sentyabr / Trend , müxbir N.İsmayılova /
Azərbaycanda "vahid pəncərə" sistemi vasitəsilə dünyanın böyük aviasiya texnikasının istehsalçısı olan Amerikanın Boeing International Corporation şirkətinin filialı qeydiyyatdan keçib, bu barədə Azərbaycan Vergilər Nazirliyinin rəsmi saytının "vahid pəncərə" bölməsində bildirilib.
Onun təsisçisi Amerikanın Boeing International Corporation şirkətidir. Təşkilat 2009-cu il sentyabrın 14-də kommersiya fəaliyyəti üzrə dövlət qeydiyyatından keçib. Şirkətin nümayəndəsi Rifat Roy Kodcaldır.
Boeing dünyanın böyük aviasiya, kosmik və hərbi texnikasının istehsalçısıdır. Qərargahı Çikaqoda yerləşir. Şirkətdə çalışan şəxslərin sayı 2008-cui ildə 162 min nəfər təşkil edib. 2008-ci ildə şirkətin mədaxili 60,9 milyard dollar (2007-66,4 milyard) dollar təşkil edib, xalis gəliri 2,7 milyard dollar (4,1 milyard dollar) olub.