Azərbaycan, Bakı, 28 sentyabr / Trend , müxbir N.İsmaylova/
Azərbaycan və Mərkəzi Asiyada (Qazaxıstan və Türkmənistan istisna olmaqla) Beynəlxalq Maliyyə Korporasiyası (IFC) tərəfindən hazırlanmış maliyyə infrastrukturunun inkişafı layihəsi çərçivəsində Azərbaycanda özəl kredit bürosu yaradılacaq. Bu barədə IFC-nin ölkə üzrə koordinatoru Teymur Heybətov məlumat verib.
"Layihə SECO-nun dəstəyi ilə həyata keçiriləcək. Layihə çərçivəsində korporasiya ölkənin maliyyə infrastrukturlarını inkişaf etdirəcək, həmçinin özəl kredit bürosu və risk-menecment üzrə sertifikat proqramının yaradılması nəzərdə tutulur," - Heybətov bildirib.
Azərbaycan və Mərkəzi Asiyada IFC layihəsinin rəhbəri Anastasiya Marinadır.
Layihənin icrası cari ilin payızında başlayacaq və sonrakı iki il ərzində potensial şəkildə genişlənərək üç il müddətinə nəzərdə tutulub.
SECO-da milli proqramın rəhbəri Nailə Səfərovanın sözlərinə görə, proqramın həyata keçirilməsinə SECO təxminən 2,4 milyon dollar vəsait ayırıb.
Məqalə müəllifi ilə əlaqə ünvanı: [email protected]