Azərbaycan, Bakı, 29 sentyabr / Trend , müxbir Ü.İsmayılova/
Azərbaycanda adambaşına üçgünlük istirahətin 200-250 manat olmasını nəzərə alınmaqla, daxili turizmin həftəlik dövriyyəsi dörd milyon manat təşkil edir. Bu barədə çərşənbə axşamı ölkənin mədəniyyət və turizm naziri Əbülfəs Qarayev bildirib.
"Azərbaycanda daxili turizm statistikasının hesablanması mexanizmi yoxdur. Rəqəmlər fəaliyyət göstərən turizm obyektlərinin iş səviyyəsi üzrə müəyyənləşdirilir", - nazir bildirib. - Sözügedən statistika sadəcə bu göstərici üzrə müəyyən edilməməlidir, çünkü ölkə regionlarında istirahət edənlər özləri üçün qabaqcadan xüsusi evlər və koteclər ayırır ki, bu da artıq kənd turizminə aiddir".
Nazir bildirib ki, kənd turizmi statistikası dəqiq deyil, nazirlik tərəfindən keçirilən monitorinqlərin yekununa əsasən, Nabran kurort zonasında iş günləri nömrələrin əvvəlcədən ayrılması 70-80 faiz, bəzən isə 100 faiz təşkil edir. Azərbaycanın cənub zonasında iki sanatoriyadakı nömrələrin əvvəlcədən ayrılması 100 faiz, digər turizm obyektlərində iş günləri 60 faiz təşkil edib.
Nazirin sözlərinə görə, monitorinqin nəticələrinə əsasən məlum olub ki, Azərbaycanda daxili turizm məşhurdur, lakin statistikanın hesablanması mexanizminin olmaması səbəbindən dəqiq rəqəmlər haqqında danışmaq çətindir.
Məqalə müəllifi ilə əlaqə ünvanı: [email protected]