Azərbaycan, Bakı, 12 oktyabr / Trend , müxbir N.İsmayılova/
Avropa Yenidənqurma və İnkişaf Bankının (AYİB) Qafqaz, Moldova və Belarus üzrə regional direktoru Pol-Henri Foresterin bazar ertəsi verdiyi məlumata görə, bank, Azərbaycanın yeganə sement istehsalçısı olan Garadagh Cement zavodunun istehsal gücünün artırılması məqsədilə dəyəri 330 milyon avro olan bu layihəni maliyyələşdirmək üçün 120 milyon avro məbləğində kredit ayıramağa razılıq verib.
"Dünya maliyyə böhranını nəzərə alaraq AYİB rəhbərliyi layihənin böyük hissəsinin bankın öz vəsaitləri hesabına maliyyələşdirilməsi qərarına gəlib. Əgər dünya iqtisadiyyatında maliyyə vəziyyəti düzələrsə, əlavə kreditin verilməsi məsələsinə də baxıla bilər", - Forester deyib.
Onun sözlərinə görə, layihənin qalan hissəsi təsisçi "Holcim" şirkəti və zavodun özünün gəliri hesabına maliyyələşdiriləcək.
O deyib ki, kredit Garadagh Cement-ə iki tranşda beş və altı il müddətinə veriləcək.
Daha əvvəl layihənin 150 milyon avro dəyərində maliyyələşdiriləcəyi deyilirdi ki, bunun da 50 faizi kommersiya banklarına təklif ediləcəyi nəzərdə tutulurdu. Qalan hissə isə AYİB tərəfindən maliyyələşdiriləcək. Avropa Bankı da 20 milyon avro məbləğində kredit ayırmağı nəzərdə tuturdu. Qalan 30 milyon avronun isə təsisçi "Holcim" tərəfindən ödəniləcəyi planlaşdırılır.
Garadagh Cement-in modernləşdirilməsi və genişləndirilməsi prosesində gündəlik klinker istehsalının 2616 tondan 4000 tona və klinker idxal etmədən illik sement istehsalının isə 1.3 milyon tondan 1,7 milyon tona çatdırılması nəzərdə tutulur.
Layihə çərçivəsində klinker istehsalı üçün istifadə edilən enerjinin 50 faizədək azaldılması hesabına enerjiyə qənaət olunması nəzərdə tutulur.
AYİB krediti şirkətin korporativ idarə edilməsinin ağır şərtlərini və biznesinin aparılmasını dəstəkləyəcək. Azərbaycanın qeyri-neft və enerji sektoruna aid olmayan ən böyük xarici sərmayələrdən biri hesab edilən bu layihə, özəl sektorun digər potensial sərmayədarları üçün öz müsbət nəticəsini verməlidir. Layihə kommersiya bankları tərəfindən Azərbaycanın qeyri-neft sektorunu maliyyələşdirilməsinə yönəldilib.
İsveçrənin "Holcim" şirkəti (69,4 faiz), AYİB, Azərbaycan İnvestisiya Şirkəti (hərəyə 10 faiz olmaqla) və özəl səhmdarlar (10,6 faiz) "Garadagh Cement" SC-nin tərəfdaşlarıdır.
Məqalə müəllifi ilə əlaqə ünvanı: [email protected]