Azərbaycan, Bakı, 12 oktyabr / Trend , müxbir N.İsmayılov/
2010-cu ildə Avropa Yenidənqurma və İnkişaf Bankı (AYİB) Azərbaycan iqtisadiyyatına 200 milyon dollardan artıq sərmayə yatıracaq. Bu haqda bazar ertəsi bankın Azərbaycandakı nümayəndəliyinin rəhbəri Frensis Deley məlumat verib.
O deyib ki, gələn il bank korporativ sektorda böyük layihəni, maliyyə sektorunda isə doqquz layihəni maliyyələşdirməyi planlaşdırır.
Onun sözlərinə görə, bank layihələrinin 50 faizi enerji sektorunu, 25 faizi maliyyə sektorunu, altı faizi mikromaliyyə institutlarını, üç faizi qeyri-bank kredit təşkilatlarını və beş faizi korporativ sektoru əhatə edir.
Deley deyib ki, bank bu il Azərbaycan iqtisadiyyatına 200 milyon dollardan nartıq vəsait ayırıb, gələn il də bu qədər məbləğ ayırmağı nəzərdə tutulur.
Bu günə bankın Azərbaycan üçün nəzərdə tutulan ümumi investisiyasının həcmi 911milyon dollar təşkil edir. 2008-ci ildə bank Azərbaycanda 19 müxtəlif layihəyə 114 milyon dollar maliyyə yatırıb. Ümumilikdə isə AYİB Azərbaycanda 1.5 milyard dollar həcmində 90 layihə həyata keçirib.
Məqalə müəllifi ilə əlaqə ünvanı: [email protected]