Bakı, Azərbaycan, 15 oktyabr / Trend , müxbir E.İsmayılov/
Mədən Sənayesində Şəffaflıq Təşəbbüsünün (EİTİ) bu həftə Bakıda keçirilən iclasında Liberiyaya EİTİ-nin tamhüquqlu üzvü kimi status verilib, EİTİ-nin idarə heyətinin sədri Piter Eyqan cümə axşamı təşkil edilən mətbuat konfransında deyib.
"Liberiya Azərbaycandan sonra EİTİ-yə ikinci tamhüquqlu üzv olub", - Eyqan deyib.
Onun sözlərinə görə, Liberiya Təşəbbüsə meşə sektoru üzrə hesabatlılığı gətirən ilk Afrika ölkəsidir.
Eyqanın sözlərinə görə, Azərbaycan EİTİ-yə ilk tamhüquqlu üzv olmaqla mədaxillərin şəffaflığı sahəsində işləri təkmilləşdirməyə davam edir.
EİTİ-də 30 dövlət iştirak edir, onlardan yalnız Azərbaycan və Liberiya tamhüquqlu üzvdür.
