...

Latviyanın Parex Bank-ı Azərbaycan şirkətlərinin vəzifələrini icra etməsindən razıdır

Biznes və iqtisadiyyat xəbərləri Materials 20 Oktyabr 2009 14:24 (UTC +04:00)

Azərbaycan, Bakı, 20 oktyabr / Trend , müxbir N.İsmayılova/

Latviya bankı Parex Bank onun dəstəyi ilə kredit xətləri cəlb edən Azərbaycan şirkətlərinin və banklarının vəzifələrini icra etməsindən razıdır, bank kapitalının idarəsi direksiyasının rəhbəri və baş vitse-prezidenti Robert İdelson deyib.

"Bu gün bank Azərbaycan bazarında heç bir fəal əməliyyatlar aparmır, lakin yerli şirkət və banklarla əlaqələri dəstəkləyir, - İdelson deyib. - Azəırbaycan bankları öz vəzifələrini tam yerinə yetirirlər, buna görə də biz böyük potensial görürük və gələcəkdə onlara beynəlxalq banklardan xarici borclar cəlb etməyə kömək edəcəyik".

Onun sözlərinə görə, hazırda bu məsələ müzakirə olunmur, çünki xarici borcların faiz dərəcələri yerli banklar üçün əlverişli deyil.

"Lakin bu istiqmətdə dünyada vəziyyət strateji yaxşılaşır və düşünürəm ki, gələcəkdə bu istiqamət mühüm əhəmiyyət kəsb edəcək", - İdelson deyib.

Onun sözlərinə görə, yerli şirkətlər əvvəllər Baltikyanı ölkələrin investisiya fondlarından vəsait cəlb edirdilər.

"Gələcəkdə ola bilsin ki, gələn ilin ikinci rübündə bu məsələnin müakirəsinə başlmaq mümkün olacaq. Əlbəttə ki, əgər bazardakı vəziyyət bu sürətlə inkişafa davam edərsə müzakirələr aparılacaq", - o deyib.

Onun sözlərinə görə, beş-altı yerli bank Parex Bank-a bənzər xidmətlər göstərməkdə maraqlıdır.

Hazırda Parex Bank-ın Azərbaycan üçün ümumi portfeli 200 milyon dollar təşkil edir. Portfelə ölkədəki törəmə lizinq strukturları və kredit xətləri daxildir.

Parex Bankı 1992-ci ildə təsis edilib. Dünyanın 12 ölkəsində, həmçinin Berlin, Stokholm, Tallində bankın nümayəndəlikləri, filialları və törəmə müəssisələri yerləşir. Parex Bank Latviyada və Litvada American Express ilə əməkdaşlıq üzrə yeganə tərəfdaşdır və American Express-in kredit kartlarını buraxmaq hüququna malikdir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti