Azərbaycan, Bakı, 11 noyabr / Trend , müxbir N.İsmayılova /
2010-cu ildə Azərbaycan əhalisinin pul gəlirləri cari ilə nisbətdə 10,1 faiz artımla 24 955 milyon manat həcmində proqnozlaşdırılır, bu barədə ölkə Parlamentində baxılan, hökumətin 2010-cu və sonrakı üç il üzrə sosial-iqtisadi konsepsiyasına dair proqnozlarında deyilir.
Cari ilin yekunları üzrə əhalinin gözlənilən pul gəlirlərinin həcmi 22 665,8 milyon manat təşkil edir ki, bu da 2008-ci ilin yekunlarına nisbətən 13 faiz çoxdur.
Proqnozlara əsasən, 2011-ci ildə bu göstərici doqquz faiz artaraq 27 201 milyon manat, 2012-ci ildə yeddi faiz artaraq 29 105 milyon manat, 2013-cü ildə 7,2 faiz artaraq 31 200 milyon manat təşkil edəcək.
Əmək haqqı üzrə əhalinin gəlirlərinin 2009-cu ildə 6925 milyon manat, 2010-cu ildə 8095, 2011-ci ildə 9471 milyon manat, 2012-ci ildə 11 100 milyon manat, 2013-cü ildə 13 020 milyon manat təşkil etməsi gözlənilir.
Sahibkarlıq fəaliyyəti gəlirlərinin həcmi 2009-cu ildə 12229,8 milyon manat, 2010-cu ildə 13291,8, 2011-ci ildə 14065,6 milyon manat, 2012-ci ildə 14 294,5 milyon manat, 2013-cü ildə 14 383,5 milyon manat səviyyəsində gözlənilir.
Əmlak üzrə gəlirlərin həcmi 2009-cu ildə 176 milyon manat, 2010-cu ildə bu göstərici 181 milyon manat, 2011-ci ildə 189 milyon manat, 2012-ci ildə 192 milyon manat, 2013-cü ildə 197 milyon manat səviyyəsində proqnozlaşdırılır.
Əhalinin topladığı vəsait 2009-cu ildə 5396,3 milyon manat, 2010-cu ildə 5907 milyon manat, 2011-ci ildə 6401 milyon manat, 2012-ci ildə 6828 milyon manat, 2013 ildə 7340 milyon manat həcmində proqnozlaşdırılır.
Əhalinin xərcləri 2009-cu ildə 17269,5 milyon manat səviyyəsində gözlənilir ki, bu da 2008-ci ilin müvafiq göstəricisindən 12,8 faiz çoxdur, 2010-cu ildə bu göstərici 10,3 faiz artımla 19048 milyon manat , 2011-ci ildə 20800 milyon manat (9,2 faiz), 2012-ci ildə 22277 milyon manat (7,1 faiz), 2013-cü ildə 23860 milyon manat (7,1 faiz) həcmində proqnozlaşdırılır.
Noyabrın 11-nə olan rəsmi məzənnə 0,8029 AZN/USD təşkil edir.
Məqalə müəllifi ilə əlaqə ünvanı: [email protected]
