Özbəkistan, Daşkənd, 1 dekabr / Trend , müxbir D. Əzizov/
Özbəkistan dekabrın 1-dən spirtli və tütün məhsulları üçün aksiz markaların köhnə nümunələrini dövriyyədən çıxarır, Özbəkistanın Dövlət Vergi Komitəsindən (DVK) xəbər verilib.
Öncə məlumat verildiyi kimi, bu ilin aprel ayında Özbəkistanda Nazirlər Kabinetinin qərarı ilə respublikada istehsal və idxal olunan spirtli və tütün məhsullarına aksiz markaların yeni nümunələri tətbiq olunub.
Yeni markaların yeniləşdirilmiş dizaynı var və əlavə müdafiə dərəcələri ilə təchiz olunub. Bundan əlavə, bu növ məhsullar üçün aksiz markalar gələcəkdə hər iki ildən bir yeniləşdirilməlidir.
Köhnə nümunədə olan markaların fəaliyyəti hələ 6 ay müddətində etibarlıdır. Bu müddət bitdikdən sonra aksiz markaların köhnə nümunələri ilə markalanmış və topdansatış və ticarət şəbəkələrində olan məhsullar markalanmamış və ləğv olunmuş hesab olunmalıdır.
Lakin köhnə nümunəli aksiz markaları ilə markalanmış bu növ məhsulların topdansatış anbarlarında böyük tədarükü olması səbəbindən köhnə nümunəli markaların fəaliyyətini dekabrın 1-nə kimi uzadılması qərara alınmışdı.
Dövlət Vergi Komitəsinin məlumatına görə, köhnə nümunəli aksiz markaların fəaliyyətinin uzadılması müəssisələrə zərərin azaldılmasına və aksiya məhsulları reallaşdıran müəssisələrdə vergilərin iştirakını təmin etməyə imkan verib.
Respublikada istehsal olunan filtirli siqaretin aksiz vergisinin tarifi hazırda min ədədə 5 727 sum, filtirsiz siqaretin min ədədinə isə 1 919 sum müəyyən edilib. Şərabın aksizı bir hazır məhsul üçün 3 300 sum, pivə üçün 1 500 sum, konyak, araq və tərkibindəki etil spirti 40 faizədək olan digər spirtli məhsulları üçün 12 430 sum, tərkibindəki etil spirti 40 faizdən çox olan alkoqol məhsulları üçün 20 482 sum təşkil edir.
İdxal olunan pivə məhsuların aksizi hər litir üçün bir dollar, idxal olunan bütün növ şərabların litri altı dollar, araq yeddi dollar, konyak 14,5 dollar və siqaretin min ədədi 7 dollar təşkil edir.
Rəsmi statistikaya görə, Özbəkistanda siqaret istehsalı 2008-ci ildə 10,46 milyard ədəd təşkil edib ki, bu da Respublikanın istehsal bazarının 45 faizini təşkil edir. Respublikada tütün istehsalını Özbəkistan-Britaniyabirhə müəssisəsi British American Tobacco Uzbekistan (BAT Uzbekistan) həyata keçirir.
Ötən il şərab-araq istehsalı 0,1 faiz artmaqla, 11,012 milyan dal, pivə istehsalı isə 19,8 faiz olmaqla, 10,46 dala qədər yüksəlib. Bununla da bazarın tutumu müvafiq olaraq 20 və 30 milyon dal təşkil edir.
Dekabrın 1-nə olan rəsmi məzənnə 1508,46 sum/bir dollardır.
