Azərbaycanın sığorta şirkəti nizamnamə kapitalını 1 milyon manat artırıb
Azərbaycan, Bakı, 03 dekabr / Trend , müxbir Ü.İsmayılova/
Dekabr ayının əvvəlində "MBASK Sığorta Şirkəti" ASC-nin səhmdarlarının ümumi yığıncağında cari ilin sonunadək nizamnamə kapitalının 1,000,000 AZN artırılması haqqında qərar qəbul edilib. Bu barədə cümə axşamı şirkətdən məlumat verilib.
"Həmçinin "Bankların, sığorta və təkrar sığorta şirkətlərinin kapitallaşma səviyyəsinin artırılmasının stimullaşdırılması haqqında" qanuna müvafiq olaraq, MBASK-ın səhmdarları şirkətin 2009-cu il ərzində əldə edilmiş bütün gəlirlərini kapitalın artırılmasına yönəltməyi qərara alıblar", - məlumatda deyilir.
Müvafiq olaraq, səhmdarlar tərəfindən qəbul edilmiş qərarların nəticəsində şirkətin nizamnamə kapitalı cari ilin sonunadək 1 milyon manatdan 3 miyon manata kimi artacaq, 2010-cu ilin birinci rübündə isə kapital əlavə olaraq şirkətin 2009-cu ildəki gəlirlərinin hesabına, yəni ən azı daha 1,500,000 AZN artacaq.
Bu hadisələri şərh edərək MBASK-ın İdarə Heyəti sədrinin müavini Rəşad Abbasov deyib ki, kapitalın bu cür əhəmiyyətli dərəcədə artırılması sərmayə kapitalının yüksək qayıtma səviyyəsinə nail olunması sayəsində mümkün olub.
"Növbəti ildə şirkət öz qarşısına imzalanmış mükafatın həcminin müştəri bazasının böyüməsi və sığorta məhsulları xəttinin genişləndirilməsi hesabına ən azı 50% artırılması məqsədini qoyur", - Abbasov deyib.
1992-ci ildən Azərbaycanın sığorta bazarında fəaliyyət göstərən MBASK SŞ dördü icbari olmaqla 29 növ sığorta xidməti göstərir. Şirkətin nizamnamə kapitalı 2 milyon manat təşkil edir. 2005-ci ilin yanvar ayından MBASK səhmlərinin 30 faizi Avropa Yenidənqurma və İnkişaf Bankına məxsusdur. Onun əsas təsisçisi Unibank-dır. Yanvar-sentyabr aylarında fəaliyyətin yekununa əsasən, MBASK şirkəti 5,39 milyon manat məbləğində mükafat, 4,78 milyon manat ödəniş toplayaraq bu dövr üçün sığortaçılar bazarında 10-cu yeri tutub.
Dekabrın 03-nə olan rəsmi məzənnə 0,8025 AZN/ABŞD təşkil edir.
Məqalə müəllifi ilə əlaqə ünvanı: [email protected]
