...

Azərbaycan bankı Kapital Bankın gəlirləri rekord səviyyəyə çatıb

Biznes və iqtisadiyyat xəbərləri Materials 9 Fevral 2010 17:10 (UTC +04:00)
Azərbaycan bankı Kapital Bankın gəlirləri rekord səviyyəyə çatıb

Azərbaycan, Bakı, 09 fevral / Trend , müxbir N.İsmayılova/

Ötən ilin yekunları üzrə Azərbaycan bankı Kapital Bankın gəlirləri 4,8 milyon manat təşkil edib ki, bu da 2008-ci ilə olan göstəricidən 37% çoxdur. Bu barədə bankın rəsmi saytında dərc edilən məlumatda deyilir.

Bank aktivlərinin rentabellik əmsalı (ROA) 1,1%, kapitalı isə (ROE) 8,67% təşkil edib. Ötən il ərzində bankın gəlirləri 68,7 milyon manatlıq rekord göstəriciyə çatıb. Bankın aktivləri 552,2 milyon manat, kredit portfeli 331,2 milyon manat, öhdəliklər 466,9 milyon manat, o cümlədən əhalinin əmanətləri 76,3 milyon manat təşkil edib. Bankın aktiv plastik kartlarının sayı 2 milyona, bankomatlarının sayı 231-ə, POS-terminallarının sayı isə 408-ə çatıb.

Məlumatda deyilir ki, bankın yeni rəhbərliyi 2009-cu ildə bütün növ bank xidmətləri keyfiyyətinin yaxşılaşdırılmasının yeni işçi modelinin, maliyyə göstəricilərinin real qiymətləndirilməsinin və qabaqcıl bank biznesinin tətbiqinə başlayıb. Bu istiqamətdə işlər davam etdirilir.

Bank rəhbərliyi 2010-cu ildə bankın potensialından tam istifadə etməyi və yeni keyfiyyət mərhələsinə yüksəlməyi planlaşdırır.

Bankın səhmdarlar strukturu hazırda bu cür formalaşıb: səhmlərin 97,5%-i Paşa Holdinqə aiddir, bankın 2400 əməkdaşı isə səhmlərin 2,5%-nə sahibdir.

Fevralın 09-na olan rəsmi məzənnə 0,8034 AZN/USD təşkil edir.

Xəbər lenti

Xəbər lenti