Azərbaycan, Bakı, 18 fevral / Trend /
İran bu ilin mart ayından etibarən Azərbaycanla sərhəddə yerləşən Astara gömrük məntəqəsində ikinci körpünün tikintisinə başlayacaq. Bu barədə İranın İribnews televiziyasının xəbər saytında məlumat verilir.
Bu körpü Astara çayının üzərində köhnə körpünün yaxınlığında inşa ediləcək. Körpünün uzunluğu 60 metr olacaq. Körpü boyunca avtomobillər, qatarlar və piyada hərəkəti üçün təyin edilmiş üç zolaqlı yol inşa ediləcək. Körpünün inşasına əyalət büdcəsindən 6 milyon dollar ayrılıb.
Hazırda Astara gömrük məntəqəsində mövcud olan körpü 60 il əvvəl inşa edilib.
