Azərbaycan, Bakı, 23 fevral / Trend , müxbir H.İsmayılova/
Azərbaycanın Qiymətli Kağızlar üzrə Dövlət Komitəsi TuranBank-ın adi adlı sənədsiz səhmlərinin emissiya prospektini qeydə alıb. Bu barədə QKDK-nın məlumatında bildirilir.
Emissiyanın həcmi 1,5 milyon manat, bir səhmin nominal dəyəri 1000 manat təşkil edir. Beləliklə, bankın nizamnamə kapitalı hazırki 17 milyon manatdan 18,5 milyon manatadək artırılacaq.
Fevralın 1-nə olan məlumata görə, məcmu kapital 20,8 milyon manat, nizamnamə kapitalı 17 milyon manat təşkil edir. Fevralın 1-nə olan məlumata görə, TuranBank-ın aktivləri 112,8 milyon manat təşkil edib.
Bankın 25 səhmdarı var. Onlardan 5-i hüquqi (21,8 faiz), 20-i fiziki (78,2 faiz) şəxsdir.
Hazırda ölkədə bankın 11 filialı və 21 valyutadəyişmə məntəqəsi fəaliyyət göstərir.
Fevralın 23-ü üçün cari məzənnə 0,8033 AZN/USD təşkil edir.
