Azərbaycan, Bakı, 12 aprel /Trend, N.İsmayılova/
Azərbaycanın bank sektorunun xarici borcu 2010-cu ilin əvvəlindən, təxminən, 800 milyon dollar təşkil edib. Bunu Azərbaycan Mərkəzi Bankının kredit təşkilatlarının fəaliyyətinə nəzarət departamentinin rəhbəri Rəşad Orucov deyib.
"Bank sektoru həmin həcmdə borcların nəticəsində əvvəl cəlb edilmiş kredit xətləri üzrə ödəmələri artırıb. Banklar xarici borcların ödənilməsinə, təxminən, 300 milyon dollar ödəyib, bununla paralel olaraq banklar mövcud xətlərin uzadılması və yeni cəlblər hesabına, təxminən, 800 milyon dollar cəlb edə biliblər", - Orucov deyib.
Onun sözlərinə görə, bank sektoru ilin sonuna kimi daha 1 milyon dollardan çox qaytarmalıdır.
"Bizim fikrimizcə, bütün bu vəsaitlər qaytarılmayacaq, çünki kredit müqaviləsi uzadıla bilər, ona görə də onlar banka qalacaq", - Orucov deyib.
Bu gün respublika ərazisində bank fəaliyyəti ilə məşğul olmağa dair lisenziyası olan 47 bank var.
2009-cu ildə banklar tərəfindən 734,8 milyon dollar xarici borc cəlb edilib, 2008-ci ildə isə bu göstərici 1278,5 milyon dollar təşkil edib.
