Azərbaycan, Bakı, 13 aprel /Trend, müxbir Ü.İsmayılova/
Azərbaycanın turizm obyektlərində qiymətlərin azalması 2010-2014-cü illərdə turizmin inkişafı üzrə Dövlət Proqramının reallaşması çərçivəsində ən mühüm məqsədlərdən biridir. Bunu çərşənbə axşamı Azərbaycanın mədəniyyət və turizm naziri Əbülfəs Qarayev deyib.
"Azərbaycanın turizm obyektlərində qiymətlərin azalması paralel olaraq belə obyektlərin sayının artırılması, həmçinin, göstərilən xidmətin həcminin artırılması hesabına baş verəcək", - nazir hesab edir.
"Nazirliyin əsas məqsədi biznesmenlər tərəfindən beynəlxalq standartlara uyğun turizm müəssisələrinin yaradılmasına investisiya qoyuluşu üçün şərait yaratmaqdır", - nazir deyib.
Onun sözlərinə görə, proqram çərçivəsində Əmək və Əhalinin Sosial Müdafiəsi Nazirliyi, həmçinin, Sosial Müdafiə Fondu ilə birlikdə sosial turizmin inkişafı üzrə tədbirlər həyata keçiriləcək.
