Azərbaycan, Bakı, 21 aprel /Trend, müxbir Ü.İsmayılova/
Martda Bakının təkrar avtomobil bazarında mövsümi passivlik müşahidə olunub. Bu barədə çərşənbə günü "Əmlak Bazarı İştirakçıları" İctimai Birliyindən bildirilib.
Ötən ay bazara 7250 avtomobil təkilf edilib ki, bunlardan yalnız 36,7 faizi martda təklif olunanlardır. Qalan 63,3 faizi isə keçən aylardan qalan avtomobillərdir.
"Avtomobillərin alqı-satqısı üzrə bağlanan sövdələşmələrin dinamikası martda daha 1,4 faiz aşağı düşüb", - təşkilatdan bildirilib.
Avtomobillərin orta qiyməti ötən ay dəyişməz olaraq qalıb - 15 380 dollar təşkil edib.