Azərbaycan, Bakı, 27 aprel /Trend, müxbir İ.Xəlilova/
Azərbaycan Respublikası Maliyyə Nazirliyinin qərarına əsasən, fəaliyyətində çoxsaylı qanun pozuntusu və nöqsanlara yol verilməsi, o cümlədən qanunvericiliklə müəyyən olunmuş sığortaçının ödəmə qabiliyyəti normativlərinə əməl etməməsi ilə əlaqədar "Azİnvest Sığorta" Açıq Səhmdar Cəmiyyətinə sığorta fəaliyyətinə müddətsiz lisenziya verilməsindən imtina olunub. Bu barədə çərşənbə axşamı nazirlikdən deyilib.
Sığorta fəaliyyəti üçün müddətsiz lisenziya verilməsi 2008-ci ilin martından fəaliyyətdə olan "Sığorta fəaliyyəti haqqında qanun" ilə nəzərdə tutulub.
"Azİnvest Sığorta" Açıq Səhmdar Cəmiyyəti hazırda yeddi könüllü və iki icbarı sığorta növü üzrə fəaliyyət göstərir.
"Azİnvest Sığorta" şirkəti "Birlik Bank" ASC-nin 35,08 faiz səhmlərinə malikdir.
Hazırda şirkət sığorta fəaliyyəti üzrə beşillik lisenziya əsasında fəaliyyət göstərir.