Azərbaycan, Bakı, 6 may /Trend, müxbir N.İsmayılova/
Aprelin 1-nə olan məlumata görə, Azərbaycan banklarının ümumi aktivləri ilin əvvəli ilə müqayisədə 3,1 faiz artaraq 12,03 milyard manat təşkil edib. Bu barədə Azərbaycan Mərkəzi Bankının məlumatında deyilir.
Martın 31-nə olan məlumata görə, ümumi həcmin 94,6 faizi (10,34 milyard manat) ilin əvvəlindəki 95 faizə (10,142 milyard manat) qarşı standart keyfiyyətlidir. Qeyri-standart aktivlərin payına 5,4 faiz (590,1milyon manat) düşüb. 2010-cu ilin əvvəlində bu rəqəm beş faiz (533,81 milyon manat) olub. Qeyri-qənaətbəxş keyfiyyətli aktivlər müvafiq olaraq 2 faizə qarşı (215,43 milyon manat) 2,2 faiz (239,9 1milyon manat) təşkil edib.
1,8 faiz (194,19 milyon manat) təhlükəli aktivlərin payına düşüb, bu rəqəm 2010-cu il yanvarın 1-də 1,7 faiz (178,55 milyon manat) olub. 1,4 faiz isə (155,99 milyon manat) 1,3 faizə qarşı (139,84 milyon manat) etibarsız aktivlərin payına düşüb.
AMB-nin məlumatına görə, ölkədəki bankların ilk beşliyi 7325,54 milyon manatlıq ümumi aktivlərə və ya bank sisteminin bütün aktivlərinin 60,89 faizinə malikdir. 6-15-ci yerləri tutan banklar 2676,73 milyon manatlıq aktivlərə və ya sektor üzrə onların ümumi həcminin 22,25 faizinə malikdirlər, 16-dan 30-cu yerədək olan banklar isə 1527,54 milyon manatlıq (12,7 faiz) aktivlərə malikdirlər.
31-dən 46-dək yerləri tutan banklar onların ümumi həcmindən yalnız 500,21 milyon manatlıq və ya 4,16 faizə malikdirlər.
AMB ölkənin bank sektorunda maliyyə təhlükəsizliyinin səviyyəsini artırmaq məqsədilə dünya böhranının dərinləşdiyi dövrdə prudensional tənzinləmə tədbirlərini gücləndirib. Bu tədbirlər çərçivəsində bank aktivlərin təsnifləşdirilməsi üzrə qoyuluşları sərtləşdirib: nəzarət altında olan aktivlər üzrə qoyuluşlar 6 faizdən 10 faizədək, qeyri-qənaətbəxş aktivlər üzrə 25-dən 30-dək, təhlükəli aktivlər üzrə 50-dən 60 faizədək artırılıb.
Mayın 6-na olan rəsmi məzənnə 0,8035 AZN/USD təşkil edir.
