...

Bakı-Tbilisi-Qars dəmiryolunun tikintisi çərçivəsində işlər sürətləndirilib

Biznes və iqtisadiyyat xəbərləri Materials 26 May 2010 16:05 (UTC +04:00)

Trend-i buradan izləyin

Azərbaycan, Bakı, 26 may /Trend, müxbir E.İsmayılov/

Bakı-Tbilisi-Qars (BTQ) dəmiryolunun tikintisi çərçivəsində işlər gücləndirilmiş rejimə keçirilib. Bu barədə çərşənbə günü "Azərbaycan Dəmir Yolları" QSC-dəki mənbə bildirib.

"İndi işlər tam gücü ilə aparılır", - mənbə deyib.

Onun sözlərinə görə, Gürcüstan-Türkiyə sərhədində yeni dəmiryol hissəsinin tikilməsi üzrə işlərin bərpası ilə yanaşı, dəmir yolun Marabda-Axalkalaki hissəsində yenidənqurma işlərinə də başlanılıb. Bərpa işlərini tenderin qalibi olmuş Gürcüstan şirkəti və Azərbaycanın "Azərtikintiservis" şirkəti aparır. Bərpa işlərinin artıq mövcud olan 160 kilometrlik dəmiryolunda da aparılacağı gözlənilir.

BTQ-nin inşası üzrə işlərin 2011-ci ilin sonlarında başa çatdırılması planlaşdırılıb.

Layihə çərçivəsində Gürcüstan ərazisindəki Axalkalaki dəmiryol stansiyasının inşası üzrə tenderin qalibi artıq müəyyən edilib. Tenderin qalibi Azərbaycanın "Kontur" layihə-sənaye memarlıq şirkəti olub.

Axalkalaki stansiyasının inşasına 2010-cu ildə başlanılması və 2011-ci ildə başa çatdırılması planlaşdırılır.

Bakı-Tbilisi-Qars layihəsi çərçivəsində dəmiryol magistralının yeni 105 km-lik qolunun tikintisi də planlaşdırılır. Bunun 76 km-i Türkiyə, 29 km-i isə Gürcüstan ərazisindən keçəcək. Bundan əlavə, nəqletmə gücünü ildə 15 mln ton yükə çatdırmaq üçün Gürcüstanda 183 km-lik Axalkalaki-Marabda-Tbilisi dəmiryolunun 183 km-lik hissəsi yenidən qurulacaq. Axalkalakidə Gürcüstanda mövcud olan dəmiryol xətlərinin Avropa standartlarına uyğunlaşdırılması üzrə məntəqələrin tikilməsi də planlaşdırılır.

Xəbər lenti

Xəbər lenti