Azərbaycan, Bakı, 8 iyun /Trend, müxbir N.İsmayılova/
Azərbaycanın "Rabitəbank"ı iyulun 6-da səhmdarların növbəti ümumi iclasını keçirəcək. İclasda nizamnamə kapitalının yüksəldilməsi haqda məsələ və bankın 2009-cu ildə maliyyə fəaliyyəti nəzərdən keçiriləcək. Bu haqda bankın məlumatında deyilir.
İclasın gündəliyinə daxildir: bankın idarə heyətinin 2009-cu ildə təsərrüfat fəaliyyətinə dair hesabatının nəzərdən keçirilməsi; auditor komitəsinin hesabatı; gəlir, ziyan və balans haqda hesabatın müzakirəsi və təsdiqi; bankın nizamnamə kapitalının yüksəldilməsi məqsədilə aksiyaların yeni emissiyasının keçirilməsi.
"Rabitəbank" kommersiya bankıdır, 1993-cü ildən fəaliyyətdədir. 2009-cu ilin axırı üçün bankın aktivləri 103 milyon manat təşkil edib. Kapital isə 16 milyon manat olub. Hal-hazırda bankın filial şəbəkəsi 21 filial və şöbədən ibarətdir. Bunlardan 6-sı Bakıda, 15-i ölkənin bölgələrindədir.
