Azərbaycan, Bakı, 8 iyun /Trend/
Kaptial Bank Visa INC. beynəlxalq ödəniş sistemi ilə birlikdə Multi Currency adı altında layihəni başa çatdırıb. Bu barədə bankın çərşənbə axşamı yayılan məlumatında deyilir.
"Bu layihə avro ilə valyuta əməliyyatları aparan zaman itkilərin qarşısını alır və bununla da müştərilərin konvertasiya xərclərini aradan götürür", - məlumatda deyilir.
Hazırda avro ilə hesab açmış VISA Kapital Bank kart sahibləri Avrozonada hesablaşmaları konvertasiyaya xərc çəkmədən ödəmə kartları ilə apara bilərlər. Kapital Bank VISA beynəlxalq ödəniş sisteminin 2003-cü, MasterCard beynəlxalq ödəniş sisteminin isə 2001-ci ildən prinsipal üzvüdür.
Kapital Bank plastik kartlar bazarının lideri olaraq 2 milyondan çox kart sahibinə xidmət göstərir.