Аzərbaycan, Bakı, 1 iyul /Trend, müxbir N.İsmayılova/
Azərbaycan Mərkəzi Bankı (AMB) mayda pul kütləsinin (M2) 5,6 faiz, 2009-cu ilin may ayı ilə müqayisədə isə 34,1 faiz artdığını bəyan edib. Bu barədə cümə axşamı AMB-nin məlumatında bildirilir.
Belə ki, mayın sonuna olan vəziyyətə görə, M2 göstəricisi 6454 milyon manat təşkil edib, aprelin sonunda bu rəqəm 4811,2 milyon manat, 2009-cu il iyunun 1-də isə 4811,2 milyon manat olub.
Mayın sonuna olan vəziyyətə görə, nağd pul kütləsi (M0) 4543,5 milyon manat təşkil edib. Aprelin sonunda bu rəqəm 4434,3 milyon manat, 2009-cu il iyunun 1-də isə 3396,7 milyon manat təşkil edib.
Genişlənmiş pul kütləsi (Broad Money Supply (M3) mayın sonunda 8929,8 milyon manat, aprelin sonunda 8735,5 milyon manat, 2009-cu il iyunun 1-də isə 6612 milyon manat təşkil edib.
May ayının yekun nəticələrinə əsasən, sövdələşmələr üçün məbləğlər (transaction money (M1) 5439,8 milyon manat, aprelin sonunda 5337,5 milyon manat, 2009-cu il iyunun 1-də isə 4150,6 milyon manat təşkil edib.
İyunun 30-na rəsmi məzənnə 0,8039 AZN/USD təşkil edir.
