Azərbaycan, Bakı, 9 iyul /Trend, müxbir A.Bədəlova/
Avrozonada problemlərə və bununla bağlı artım tempinin yubanması qorxusuna baxmayaraq, dünya iqtisadiyyatı tədricən bərpa dinamikasını göstərir.
Beynəlxalq Valyuta Fondunun (BVF) rüblük məruzəsinə əsasən, dünya iqtisadiyyatı 2010-cu ilin ilk rübündə artım tempi 5 faiz olmaqla hərəkət edib. Dünya iqtisadiyyatının əsas artım mənbəyi Asiya olub.
2010-cu ilin ilk rübündə gözlənilən göstəricilərin ötməsi fonunda BVF dünya iqtisadiyyatının artım tempi üzrə proqnozlarını cari il və növbəti il üçün artırıb. BVF-in yeni proqnozlarına görə, dünya iqtisadiyyatı 2010-cu ildə 4,6 faiz, 2011-ci ldə isə 4,3 faiz artacaq. Əvvəllər BVF dünya ümumdaxili məhsulunu 2010 və 2011-ci illərdə müvafiq olaraq 4,2 və 4,3 faiz səviyyəsində proqnozlaşdırmışdı.
BVF-in proqnozlarına görə, avrozonanın ÜDM-i 2010-cu ildə 1 faiz, 2011-ci ildə isə 1,3 faiz artacaq. İnkişaf etmiş ölkələrin ÜDM-i cari ildə 6,8 faiz, növbəti ildə 6,4 faiz olacaq.
Dünya Bankı da dünya iqtisadiyyatının artımı üzrə proqnozları 2,7 faizdən 3,3 faizədək artırıb.
Britaniyanın "Capital Economics" iqtisadi tədqiqatlar üzrə aparıcı konsaltinq şirkətinin analitiklərin proqnozlarına görə, 2010-cu ildə dünya iqtisadiyyatının artımı 4,5 faiz təşkil edəcək. 2011-ci ildə analitiklər dünya iqtisadiyyatının artım tempinin 3,5 faizədək azalacağını proqnozlaşdırırlar.
2010-cu ildə Avropa zonasının ÜDM-nin artımını britaniyalı analitiklər 1 faiz, 2011-ci ildə 0,5 faiz səviyyəsində proqnozlaşdırırlar. 2010-cu ilin üçüncü rübünün nəticələrinə görə, regionun ÜDM-i ilin ikinci rübünə nisbətdə 0,2 faizdən 0,6 faizə yüksələcək. Analitiklər dördüncü rübdə Avropa zonası iqtisadiyyatının artımını sıfır səviyyəsində proqnozlaşdırırlar.
ABŞ-ın ən böyük investisiya banklarından olan "Morgan Stanley"nin analitikləri Avropa zonası iqtisadiyatının artımını 2010-cu ildə 0,9 faiz, 2011-ci ildə isə 1,1 faiz proqnozlaşdırırlar.
Neft ixrac edən ölkələr təşkilatı (OPEK) dünya iqtisadiyyatının artımını cari il üçün 3,5 faizdən 3,8-dək artırıb. OPEK-in məruzəsinə əsasən, proqnozların dəyişməsinə başlıca səbəb Asiyada ən böyük ixracatçı Yaponiyanın ilin ilk rübündə gözlənildiyindən daha artıq göstəricilər əldə etməsi olub. Cari ildə Yaponiyanın ÜDM-nin artımının 1,5 faiz deyil, 2,7 faiz səviyyəsində olacağı gözlənilir. Avropa zonası iqtisadiyyatının artımı OPEK tərəfindən bu il 0,7 faiz, ABŞ 2,8 faiz, İqtisadi Əməkdaşlıq və İnkişaf Təşkilatı (İƏİT) 2,1 faiz, Çin 9,5 faiz, Hindistan 7,3 faiz səviyyəsində proqnozlaşdırılıb.
2010-2011-ci illər üçün dünya iqtisadiyyatının artım proqnozları (%-lə):
|
Şirkətlər |
2010 |
2011 |
|
BVF |
4,6 (D) 1 (A) |
4,3 (D) 1,3 (A) |
|
Dünya Bankı |
3,3 (D) |
- |
|
Capital Economics |
4,5 (D) 1 (A) |
3,5 (D) 0,5 (A) |
|
Morgan Stanley |
0,9 (A) |
1,1 (A) |
|
OPEK |
3,8 (D) 0,7 (A) |
- |
D - dünya iqtisadiyyatı
A - Avropa zonasının iqtisadiyyatı