Azərbaycan, Bakı, 28 iyul /Trend/
2010-cu ilin iki rübü ərzində aparılmış iş nəticəsində "A-Qroup" Sığorta Şirkəti 5 024 059 manat məbləğində sığorta mükafatı toplayıb ki, bu da öz növbəsində keçən 2009-cu ilin müvafiq dövrünün göstəricilərindən 6% çoxdur. Bu barədə şirkətin çərşənbə günü yaydığı məlumatda deyilir.
"A-Qroup" Sığorta Şirkətinə daxil olan ümumi mükafatların əsas hissəsi könüllü tibbi sığorta üzrədir. Belə ki, bu sığorta növü üzrə sığorta mükafatları 4 788 945 manat olub.
Eyni zamanda, ümumi sığorta növləri üzrə də nəzərəçarpacaq artım əldə edilib. Belə ki, əmlak sığortası üzrə sığorta mükafatlarının həcmi 80% faiz artıb.
2010-cu ilin ikinci rübündə "A-Qroup" Sığorta Şirkəti 2 854 399 manat məbləğində sığorta ödənişi edib. Bu da keçən 2009-ci ilin müvafiq dövrünün göstəricilərindən 40% çoxdur.
Xatırladaq ki, 2010-cu il 1 iyul tarixinə olan məlumata əsasən, şirkətin nizamnamə kapitalı 2,65 milyon manat təşkil edir.
İyulun 28-nə rəsmi məzənnə 0,8036 AZN/USD təşkil edir.