Azərbaycan, Bakı, 29 iyul /Trend, müxbir İ.Xəlilova/
Azərbaycan Vergilər Nazirliyi ilk dəfə olaraq əlavə dəyər vergisi (ƏDV) üçün dərəcələrin fərqləndirilməsinin tətbiqini təklif edir. Cümə axşamı vergilər nazirinin müavini Natiq Əmirovun dediyinə görə, Azərbaycan ƏDV-nin fərqlənmə dərəcələrinə keçməyə tam hazır olmasa da, hazırda bu təklifin müzakirəyə çıxarılması nəzərdən keçirilir.
"Biz pərakəndə satış üçün kartlar vasitəsilə ödəniş edilməsi zamanı ƏDV dərəcələrinin azaldılmasını məqsədəuyğun hesab edirik. Əhali və sahibkarları nağd olmayan ödənişlərə stimullaşdırmaq üçün ƏDV dərəcəsinin iki dəfə, doqquz faizədək azaldılması barədə ideya mövcuddur", - Əmirov bildirib.
"Bunun üçün müəyyən hesablamaların aparılması tələb olunur, lakin ümumilikdə biz nağd olmayan hesabların stimullaşdırılması barədə fikirləşirik və bununla əlaqədar böyük tədbirlər paketi hazırlanıb", - o deyib.
"Milli Kart" MMC-nin icraçı direktoru Cəlal Orucovun fikrincə, nağd olmayan ödənişlərin inkişafı üçün tədbirlər kompleksi lazımdır və sahibkarları nağd olmayan ödənişlərə vergi dərəcəsini müəyyən müddətə azaltmaqla maraqlandırmaq olar.
"Bu günədək bu təkliflərin müzakirəyə çıxarılması üçün cəhdlər edilib, lakin vergilərin azaldılmasından iqtisadi faydalanmanı qiymətləndirmək üçün kifayət qədər ciddi təhlil işi aparılmalıdır", - Orucov qeyd edib.
Vergi orqanları hesablamalıdırlar: vergi dərəcəsinin azaldılması sayəsində sahibkarlar öz dövriyyələrini nə qədər artırıblar və bu, vergi daxilolmalarının artımına necə təsir göstərəcək. Sahibkarlar POS-terminallardan istifadədən imtina etdikdə paralel olaraq ciddi cərimə tədbirlərini görmək olar, necə ki, bəzi ölkələrdə edilir.
Bəzi ölkələrdə hətta "qaynar xətt" də var ki, bunun vasitəsilə ödəniş kartları qəbul edilməyən zaman şikayət etmək olar. Bu halda bank-ekvayer müvafiq tədbirlər görür, halbuki onun üçün yeganə təsir vasitəsi POS-terminaldır ki, sahibkar istifadə etmədikdə o, bunu ala bilər. Bu istiqamətdə dövlət orqanlarının çoxlu təsir vasitələri var və məhz onlar cərimə sanksiyalarını tətbiq edə bilərlər, necə ki, belə hallar xarixi valyuta hesablaşmalarında baş verir ki, bunun da nəticəsində sahibkarlar ciddi cərimələrə görə vergi qanunvericiliyini pozmaqdan yan keçirlər.
Hazırda Azərbaycanda ƏDV-nin vahid dərəcəsi 18 faiz səviyyəsində tətbiq edilir.