Azərbaycan, Bakı, 30 iyul /Trend, müxbir İ.Xəlilova/
Hər il Azərbaycanın tikinti sektorundan 270 milyon manatdan çox vergi yığılır. Bu barədə vergilər nazirinin müavini Natiq Əmirov bildirib.
"2008-ci ildən etibarən artıq üçüncü ildir ki, yaşayış tikintisi üçün ƏDV məhdudlaşdırılıb və bu proses nəzarət altındadır, buna görə də bu sahə üzrə vergi yığımları ilə bağlı problemimiz yoxdur. Tikinti sektorunda ənənəvi olaraq vergilər yüksək səviyyədə yığılır", - nazir müavini qeyd edib.
2008-ci ildən etibarən yaşayış tikililəri ilə məşğul olan şirkətlər minimal dövriyyə nəzərə alınmaqla 225 manat məbləğində ƏDV ödəyirlər.
Yaşayış tikintisi üçün vergiqoyma 1 yanvar 2007-ci il tarixindən dəyişib. Lakin ƏDV üçün minimal dövriyyə 2008-ci ildə təsdiq edilib. Sadələşdirilmiş vergi ödəyicilərinə ƏDV vergisi qoyulmadığı halda, yaşayış tikintisi istisnadır. Vegi Məcəlləsinə dəyişikliklər edilənədək 2007-ci il üçün onlar mülkiyyət və gəlir vergisi üzrə vergi ödəyiciləri idilər.
Yaşayış tikilisinin ərazi yerləşməsindən asılı olaraq yaşayış tikintisi ilə məşğul olan şəxslər üçün ödəniş əmsalları tətbiq edilib. Bakı üzrə 12 zona müəyyənləşib: 1-4-cü zonalar şəhərin mərkəzini (əmsallar müvafiq olaarq 5; 4,6; 4,2 və 3,8 səviyyəsində müəyyənləşib), 5-7-ci mərkəz yaxınlığındakı əraziləri (3,4; 3 və 2,6), 8-12-ci zonalar isə paytaxtın uzaq ərazilərini (2,2; 1,8; 1,4; 1,1 və 0,8) əhatə edir.
Sumqayıt və Gəncə şəhərləri üzrə əmsallar 1,8, Xankəndi, Şirvan, Mingəçevir, Naxçıvan, Lənkəran, Yevlax, Şəki, Naftalan, Şamaxı, Qazax, Şəmkir, Salyan, Quba, Xaçmaz, Zaqatala, Cəlilabad, Göyçay 0,8, digər şəhər, qəsəbə və kəndlər üzrə 0,5-ə bərabərdir.
İyulun 30-na olan rəsmi məzənnə 0,8036 AZN/USD təşkil edir.