Azərbaycan, Bakı, 3 avqust /Trend, müxbir Ü.Sadıqova/
Azərbaycanın investisiya iqlimi İsrail biznesi üçün cəlbedicidir. Bu barədə Trend-ə İsrailin Azərbaycandakı səfiri Mixail Lavon-Lotem deyib.
Diplomatın sözlərinə görə, iki ölkə arasında həm iqtisadi, həm də siyasi sahələrdə münasibətlər sürətlə inkişaf edir.
Lavon-Lotem İsrail iqtisadiyyatı haqqında danışaraq qeyd edib ki, ilin birinci yarısında iqtisadiyyat qənaətbəxş nəticələr göstərib. O, İsrailin qeyri-neft sektorunun, xüsusilə də kənd təsərrüfatı sektorunun inkişaf etdirilməsinin zəruriliyini vurğulayıb.
Səfir ümid etdiyini bildirib ki, Azərbaycanda işləyən İsrail şirkətlərinin sayı həm tikinti, həm də telekommunikasiya və səhiyyə sektorlarında, eləcə də digər sahələrdə artacaq.
