Azərbaycan, Bakı, 23 avqust /Trend, müxbir N.İsmayılova/
Azərbaycan bankı "Gəncəbank" ölkədə ipoteka kreditinin verilişi bərpa edildiyi gündən (2009, iyun) ölkənin Mərkəzi Bankı yanında fəaliyyət göstərən Azərbaycan İpoteka Fondunun (AİF) xətti ilə 80 ipoteka krediti verib. Bu barədə bazar ertəsi bankdan bildiriblər.
"Bu günədək bank ümumi məbləği bir milyondan çox olan 80 standart ipoteka krediti verib", - bankdan deyiblər.
İpoteka kreditləşməsinin başlaması ilə əlaqədar olaraq AİF tərəfindən 18 bank, 10 qiymətləndirici və 16 sığortaçı şirkət səlahiyyətli təyin edilib.
İpoteka kreditlərinin verilmə şərtləri aşağıdakılardır:
Kreditlər milli valyutada - manatla və yalnız Azərbaycan vətəndaşlarına verilməlidir, ipotekanın predmeti yalnız mənzil və şəxsi evlər ola bilər, ipoteka kreditinin məbləği ipoteka üçün girov qoyulan daşınmaz əmlakın bazar qiymətinin 85 faizini ötməməlidir, kreditə görə aylıq ödəniş borc alanın aylıq gəlirinin 70 faizini ötməməlidir.
"Gəncəbank" 1994-cü ildən fəaliyyət göstərir. Bankın baş ofisi Gəncə şəhərində yerləşir. Bankın nizamnamə kapitalı 15 milyon manat təşkil edir. Hazırda ölkədə bankın Şəmkir, Bərdə və Kəpəz rayonunda (Gəncə) filalları fəaliyyət göstərir.
Avqustun 23-nə olan rəsmi məzənnə 0,8034 AZN/USD təşkil edir.
