Gürcüstan, Tbilisi, 3 sentyabr /Trend, müxbir N.Kirsxaliya/
İlin birinci yarısının nəticələrinə əsasən, Gürcüstan ümumi dəyəri 27,1 milyon dollar olan 10 288 ton həcmində etil spirti ixrac edib. Bu barədə cümə günü Gürcüstan Statistika İdarəsindən verilən məlumatda deyilir.
Sözügedən məhsulun ixrac olunduğu ölkələrin birinci onluğu aşağıdakı kimidir: Ukrayna - 13 963 min dollar, Belarus - 2 714 min dollar, Qazaxıstan - 2 652,6 min dollar, Azərbaycan - 2 261 min dollar, Niderland - 1 994,7 min dollar, Moldova -1 925 min dollar, Ermənistan - 382 min dollar, Qırğızıstan - 265,2 min dollar, İspaniya - 30 min dollar, Özbəkistan - 23 min dollar məbləğində məhsul.
İlin birinci yarısının yekunlarına əsasən, ixrac idxalı 73 faiz (19 812 min dollar) ötüb. Hazırkı mərhələdə Gürcüstana 18 ölkədən 7 377 min dollar həcmində etil spirtinin idxalı həyata keçirilib, idxalın həcmi isə 5 437 ton təşkil edib. 2009-cu ilin məlumatlarına əsasən, 54 019 min dollar həcmində etil spirti ixrac olunub, idxal məhsullarının dəyəri isə 14 022 min dollar təşkil edib.